"Contando con Rosalía", contacontos na Biblioteca de Redondela

As bibliotecas municipais de Redondela celebramos o 180 aniversario do nacemento de Rosalía de Castro con dous contacontos que achegan ao público infantil a figura da nosa escritora.

    Este venres 10 de febreiro na biblioteca de Chapela disfrutaremos de “Rosaliando”, con María José Martínez e o próximo venres, 17 de febreiro, será Marisa Irimia na biblioteca de Redondela coa que gozaremos no seu espectáculo "Contando con Rosalía".
Será ás  18:30 h. na sala infantil da biblioteca de Redondela, para nenos a partir de 5 anos.
Entrada libre e de balde

Moitísimas grazas ao Obradoiro Emprega Xoven polos fermosísimos carteis destes contacontos  e a Fernando Vicente pola súa amabilidade ao permitirnos utilizar a súa deliciosa ilustración da escritora.