Xa temos un novo contacontos para pequechos e pequechas na biblioteca de Chapela!
O vindeiro mércores 23 de maio, ás 19:00 h., e a cargo de XOGA, a Organización de Xordos de Galicia teremos esta actividade para o noso público máis miúdo.
Un contacontos con varias historias, algunhas moi coñecidas, que serán narradas simultáneamente en galego e en lingua de signos.
- O contacontos vai destinado a cativos/as de 2 a 6 anos.
- A entrada é libre, ata completar o aforo.
XOGA está a traballar a sensibilización dende a
primeira infancia para que os máis pequenos tomen contacto coa
lingua de signos e a acepten como un sistema válido de comunicación
en calquera ámbito da vida.
A Lingua de Signos
Española, LSE, é unha lingua oficial dende 2007. Malia a todo a súa
visibilización e normalización aínda están por chegar.
Con propostas como a
deste contacontos, a nosa organización está a dar os primeiros
pasos para normalizar e sensibilizar á sociedade e para que a
comunicación entre todas as persoas sexa en igualdade de condicións.
No hay comentarios:
Publicar un comentario