martes, 20 de junio de 2017

Rematamos a tempada nos clubs de lectura de Redondela e mais de Chapela



Os clubs de lectura de Redondela vimos de celebrar as últimas xuntanzas do curso.

Unha historia negra de cómic, con detective felino e moito crime, un éxito da banda deseñada europea da última década, ven de ser unha das dúas propostas literarias que estiveron presentes nas xuntanzas dos clubs de Redondela e mais de Chapela. 

En ambas localizacións xeográficas a recepción desta historia de intriga  foi moi gostosa, especialmente pola alta calidade das súas ilustracións, e tamén polas sorpresas que nos achega a súa narración.
Blacksad, de Juan Díaz Canales (narrador) e Juanjo Guarnido (ilustrador).


A segunda das historias que cruzamos neste club está adobiada de romanticismo, música de violín, partidas de xadrez e un intenso e gorentoso sabor a chocolate.
Esta é unha grande historia contida nun formato pequeno. Un bo final de curso que se paladea como o mellor dos produtos dos grans de cacao. Unha historia deliciosa que recibiu unha doce acollida entre os nosos lectores.

Dous propostas ben distintas, unha doce e outra sanguenta, para un final de curso nos nosos clubs.

lunes, 12 de junio de 2017

Fin de semana de maxia, agasallos e lectura coas bibliotecas municipais na II Feira do Libro de Redondela

As bibliotecas municipais na Feira do Libro de Redondela, 2017
Preme no enlace para ver o álbum de fotografías
Durante estes días as bibliotecas municipais de Redondela gozamos do contacto cos lectores nunha contorna diferente. 

Por segundo ano celebrouse a Feira do Libro na Alameda da nosa vila, e as bibliotecas estivemos presentes para convidar a todos os veciños, veciñas e visitantes a coñecer as bibliotecas e inscribirse como socios, así como tamén a achegarse aos nosos libros e, como non, para animar aos paseantes a achegarse á lectura.


Ademáis de abrir coa nosa caseta un dos espazos máis animados da feira, repartimos moitos caramelos e marcapáxinas e tamén participamos nalgunhas actividades:
Tivemos moito movemento na nosa caseta, moitas visitas amistosas e ilustres, como a Coca Simona, coa que temos tanta amizade.



Todo o persoal das bibliotecas municipais estivemos presentes ao longo destes días, pero tamén nos axudaron moito algúns dos membros da Asociación de Amigos das Bibliotecas Municipais de Redondela, aos que, de novo, lles estamos moi agradecidos.


Ademáis, aproveitando algunhas das efemérides literarias destacadas deste ano, fixemos o noso recuncho para a obra de Carlos Casares, e tamén para os libros de poemas de Gloria Fuertes. A maxia e os libros de aventuras, o fondo sobre Redondela, a prensa e algunhas revistas... E, por suposto, Leolo... Todo tivo cabida nestes intensos e felices días de feria e de saír á rúa.


Agora tócanos descansar, porque estamos esgotados, pero a Leolo e mais a Gato, as mascotas da biblioteca e mais da Asociación de Amigos das Bibliotecas, encántalles saír aos espazos verdes da nosa vila e encantoulles a experiencia. Así que contade con nós para futuras ocasións. Ata outra!




Unha hora de Ouro con Pituxa e a súa maxia nesta Feira do Libro de Redondela

Sábado, 6 da tarde, día de praia e con moitas actividades en Redondela e a súa contorna; un grupo de aguerridos amantes da lectura asistiron á presentación da novela Pituxa, a fantástica nena da caca de ouro na Feira do Libro de Redondela, respondendo á convocatoria da mesma e das Bibliotecas... e foi o mellor que puideron facer! 
Un momento da presentación da man de Francisco Castro
  Francisco Castro, director da editorial Galaxia, Marcos López Concepción, autor e Lidia Nokonoko, ilustradora, fixéronnos pasar unha hora divertida, entrañable e enriquecedora, é máis, SORPRENDENTE!

Moitas foron as cousas que descubrimos con Marcos López, empeñado en demostrarnos que o que parece máis irreal e imposible acompáñanos nos acontecementos máis cotiáns;  e tamén en que, dentro dun libro infantil-xuvenil como o de Pituxa, pódense encerrar moitas cousas que nos deixarán coa boca aberta, sobre todo cando podemos contar coa máxia do seu autor para desvelárnolas.
 
Os gañadores dos moi doces penicos
 Podedes acceder aquí a todas as fotos do evento:
Feira do Libro 2017: Presentación de "Pituxa, a nena da caca de ouro"
Premede na imaxe para acceder ás fotografías

Podedes ver unha pequena introdución neste vídeo:

A cesta xa ten gañadores!


Mario Puch, de catro anos, gañou para a súa familia a completísima cesta que as bibliotecas de Redondela sortearon na Feira do Libro. Esta tarde, pasou a recollela pola sala infantil, pero Mario é tímido ante as cámaras e delegou a representación na súa irmá pequena que fixo un gran papel.

A cesta está composta por libros para adultos, xuvenís e infantís que poderán ser desfrutados por toda a familia. Parte do contido sitúase nunha moi bonita caixa-biblioteca artesanal deseñada por Marta, unha gran amiga das bibliotecas, que a creou con todo o agarimo e esforzo. Desde aquí queremos enviarlle todo o noso agradecemento.
 Contido da cesta:
  . "Instrumental" de James Rhodes
 . "Paris-Austerlitz" de Rafael Chirbes
 . "Me llamo Zoila" de Chiki Fabregat
 . "Pituxa, a fantástica nena da caca de ouro" de Marcos López Concepción
 . "Junie B. Jones y el autobús apestoso" de Barbara Park
 . "Un monstruo viene a verme" de Patrick Ness
 . "Te espero en el cementerio" de Manuel L. Alonso
 . "El gato negro y otros relatos" de Edgar Allan Poe
 ."El extraño caso de Benjamin Button y otros relatos" de F. Scott Fitzgerald
 . "El arte de la guerra" de Sun Tzu
 . "Donde yo vivo"  de Frances Wolf
 . "Máis alá da fiestra" de Maurice Sendak
 . "Cuentos clásicos" de María Pascual (ilustradora)
 . "La casa de los ratones" de Karina Schaapman 
 . "El factor Churchill" de Boris Johnson
 . "Perseverancia" de Salvatore natilo
 . "Biografía del silencio" de Pablo d´Ors
 . "La fabulosa historia de Henry N. Brown" de Anne Helene Bubenzer
 .  Primeira tempada da serie de televisión "Mazinger Z.